सोनापुर मिनरल्स एन्ड आयल लिमिटेडमा सर्वसाधारण सेयरधनीका तर्फबाट दुईजना सञ्चालक निर्वाचित भएका छन् । कम्पनीको १६औँ वार्षिक साधारणसभाले अंकित खड्का र रचनाकुमारी ओझालाई निर्विरोध सञ्चालक निर्वाचित गरेको हो ।
दाङमा भएको साधारणसभाले लेखापरीक्षकको प्रतिवेदनसहितको ०८० असार मसान्तको वासलात, सोही अवधिको नाफा–नोक्सान हिसाब, नगद प्रवाह विवरणलगायतका वित्तीय विवरण तथा आव ०८०/८१ को लेखापरीक्षक नियुक्तिको तथा निजको पारिश्रमिक तोक्ने प्रस्ताव पनि स्वीकृत गरेको कम्पनीले जनाएको छ ।