- वि.सं २o८१ बैशाख १९ बुधबार
जीवन बिमा कम्पनी नेपाल लाइफ इन्स्योरेन्सले एमडिआरटी अचिभर्स अवार्ड सम्पन्न गरेको छ । सन् २०२३ को जनवरीदेखि डिसेम्बर अन्तिम सम्ममा एमडिआरटी २०२४ का लागि योग्य भएका ११६ जना अभिकर्तालाई सम्मानित गरेको कम्पनीले जनाएको छ ।
कम्पनीका प्रमुख कार्यकारी अधिकृत प्रवीणरमण पराजुलीले ‘पराक्रमी गति, आक्रामक नीति’ भन्ने नारासहित कम्पनीले मनाइरहेको सार्क वर्ष ०८०/८१ को उद्देश्यलाई शिरोधार्य गर्दै व्यवसाय विस्तारमा लाग्न सम्पूर्ण अभिकर्तालाई आग्रह गरे । बिमा बजारको एकचौथाईभन्दा बढी हिस्सा ओगटेको र आगामी दिनमा आमनागरिकबीच बिमाको पहुँचलाई विस्तार गर्दै कम्पनीको उपस्थितिलाई झन् बलियो बनाउन आग्रहसमेत गरेका छन् ।
कार्यक्रममा बोल्दै कम्पनीका वरिष्ठ सञ्चालक कमलेशकुमार अग्रवालले देश आर्थिक मन्दीबाट गुज्रिरहेको समयमा पनि कम्पनीले गरेको व्यवसाय उत्साहप्रद रहेको र यसलाई मूर्तता प्रदान गर्न अहोरात्र लाग्नुभएका सम्पूर्ण अभिकर्तालाई धन्यवाद ज्ञापन गरे ।
त्यस्तै, वरिष्ठ सञ्चालक कमलेशकुमार अग्रवालले अभिकर्ता भनेको प्रगतिको सहयात्री भएको र सोको महत्तालाई मनन गर्दै आमनेपाली नागरिकलाई बिमाको उपयोगिता र औचित्यता प्रकाश पार्न सकिएमा नेपालको बिमा बजारमा प्रचुर सम्भावना रहेको बताए ।
