- वि.सं २o८o कार्तिक ११ शनिबार
एभरेष्ट बैंक लिमिटेडका संस्थापक एवं सञ्चालक समितिका अध्यक्ष विष्णुकृष्ण श्रेष्ठको निधन भएको छ । ९४ वर्षीय श्रेष्ठको गत ६ कात्तिकमा मेडिसिटी अस्तालमा उपचारका क्रममा निधन भएको हो ।
श्रेष्ठको अन्त्येष्टि उनकै इच्छाबमोजिम एभरेष्ट बैंकको सहयोगमा पशुपतिमा सञ्चालनमा रहेको कम दाउराले शव जलाइने प्रविधिमा आधारित वुडन क्रिमेटरीमा ७ कात्तिकमा सम्पन्न भएको बैंकका प्रमुख कार्यकारी अधिकृत सुदेश खालिङले जानकारी दिए ।
‘स्वर्गीय श्रेष्ठको कुशल नेतृत्व एवं अभिभावकत्वमा एभरेष्ट बैंकले उदाहरणीय प्रगति गर्दै आफूलाई दिगो, दरिलो र विश्वासिलो बैंकका रूपमा स्थापित गर्न सफल भएको विदितै छ,’ उनले भने, ‘यस दुःखद घडीमा सान्त्वना प्रदान गर्ने सबैमा धन्यवाद वक्त गर्दै, शोकाकुल श्रेष्ठ परिवारमा हार्दिक समवेदना व्यक्त गर्दछौँ ।’
