चीनको दक्षिणपश्चिमी क्विचोमा रहेको शान्जियाओशु कोइला खानीमा आइतबार आगलागी हुँदा कम्तीमा १६ जनाको मृत्यु भएको छ । 

पानझोउ नगर प्रशासनले आफ्नो वेबसाइटमा पोस्ट गरेको सूचनामा भनिएको छ, ‘आगो निभाइएको छ तर प्रारम्भिक अनुसन्धानले खानीमा रहेका १६ जना जीवित रहेको कुनै लक्षण देखिएको छैन ।’ 

अधिकारीहरूले सामान बोक्न जोडिएको घिर्नीलाई घुमाउने फित्तामा आगो लागेको प्रारम्भिक अनुमान गरिएको थियो । राजधानी बेइजिङबाट करिब तीन हजार ६०० किलोमिटर दक्षिणपश्चिममा रहेको पानझोउ नगरमा उक्त खानी अवस्थित छ । 

हालैका दशकहरूमा चीनमा खानी क्षेत्रको सुरक्षामा सुधार भएको छ । प्रायः सुरक्षा नियम उल्लंघनका कारण विशेष गरी सबैभन्दा महत्वपूर्ण खानीस्थलहरूमा दुर्घटनाहरूले अझै पनि अक्सर उद्योगलाई सताउँछन् ।

गत फेब्रुअरीमा उत्तरी भित्री मंगोलिया क्षेत्रमा कोइला खानी भत्किँदा दर्जनौँ मानिस र सवारी साधनहरू भग्नावशेषमुनि पुरिएका थिए । 

अधिकारीहरूले महिनौँसम्म मृतकको अन्तिम संख्या सार्वजनिक गरेनन्, तर जुनमा मात्र ५३ जनाको मृत्यु भएको खुलासा गरेका थिए ।