Skip This
हिमालयन बैंकले भद्रकालीस्थित सैनिक कल्याणकारी कोषद्वारा सञ्चालित रिपुमर्दिनी पेट्रोल स्टेसनमा डिजिटल भुक्तानी काउन्टर सञ्चालनमा ल्याएको छ । बैंक र सैनिक कल्याणकारी कोषद्वारा सञ्चालित पेट्रोल स्टेसनबीच भएको सम्झौता उक्त काउन्टर सञ्चालनमा ल्याइएको हो ।
पेट्रोल स्टेसनमा स्थापना गरिएको सो काउन्टरमा ग्राहकले विभिन्न बैंकको मोबाइल बैंकिङ एपमा रहेको नेपालपे क्युआर सबै बैंकबाट जारी भएको एटिएम कार्डमार्फत पिओएस मेसिनबाट भुक्तानी गर्न सक्नेछन् ।
बैंकका तर्फबाट बैंकका नायब प्रमुख कार्यकारी उज्ज्वल राजभण्डारी तथा सैनिक कल्याणकारी कोषको तर्फबाट कोषका सहायक रथी किरण केसीले संयुक्त रूपमा उद्घाटन गरेका छन् ।
