- वि.सं २०८० मङ्सिर २३ शनिबार
मुगु जिल्लाको उतरी सोरू गाउँपालिकामा पर्ने सीप गाउँनजिकै आज दिउँसो २ बजे जिप दुर्घटना हुँदा तीनजनाको मृत्यु भएको खबर ढिलो गरी प्राप्त भएको छ।
सोरू गाउँपालिकाको सोरूकोटबाट गमगढी बजार आउँदै गरेको ज. १च ७७७२ नम्बरको जिप सोरू गाउँपालिका– ७ चिप्लेगौँडा भिरमा दुर्घटना भएको हो।
जिपमा सवार नौमध्ये बाँकी सबै ६ यात्रु घाइते भएका जिल्ला प्रहरी कार्यालय मुगुले जानकारी दिएको छ। यो समाचार तयार पार्दासम्म मृतक र घाइतेको पहिचान भएको छैन।
अहिले रेडक्रस सोसाइटी मुगुको एम्बुलेन्स, जिल्ला अस्पताल मुगुको एम्बुलेन्ससहित प्रहरी टोली दुर्घटनास्थल गइरहेको छ। दुर्घटनाको कारण खुल्न सकेको छैन।
