- वि.सं २o८o बैशाख ३१ आइतबार
साताको पहिलो कारोबार दिन आइतबार सेयर बजार दोहोरो अंकले घटेको छ। नेप्से परिसूचक १६.९६ अंकले घटेर १८२१.६४ विन्दुमा झरेको छ।
दुई सय ६३ कम्पनीका २७ लाख ८८ हजार कित्ता सेयर किनबेच हुँदा ९० करोड पाँच लाख रुपैयाँबराबरको कारोबार भएको छ। सबैभन्दा धेरै नागरिक लगानी कोषको ५३ करोड पाँच लाख रुपैयाँबराबरको सेयर किनबेच भएको छ।
आज लगानीबाहेक सबै समूहको सूचक ओरालो लागेका छन्। लगानी समूहको सूचक १.१३ प्रतिशतले बढेको छ।
आज आत्मनिर्भर लघुवित्तका लगानीकर्ताले सबैभन्दा धेरै कमाएका छन्। सो कम्पनीको सेयर मूल्य १० प्रतिशतले बढेको छ। राष्ट्र उत्थान लघुवित्तको सेयर मूल्य सबैभन्दा धेरै ६.३७ प्रतिशतले घटेको छ।
