- वि.सं २o८o बैशाख २५ सोमबार
मकवानपुरको बकैया गाउँपालिकामा सोमबार दिउँसो बस र मोटरसाइकल एकआपसमा ठोक्किँदा दुईजना गम्भीर घाइते भएका छन्।
काठमाडौंबाट राईगाउँतर्फ जाँदै गरेको बा ५ ख २९४ नम्बरको बस र विपरीत दिशाबाट आउँदै गरेको ना १६ प ४६६३ नम्बरको मोटरसाइकल एकआपसमा ठोक्किँदा मोटरसाइकलचालक र पछाडि सवार दुईजना गम्भीर घाइते भएका प्रहरीले जानकारी दिएको छ।
दुर्घटनामा मोटरसाइकलका चालक बकैया गाउँपालिका– ९ भालुखोलाका ३३ वर्षीय सुकलाल स्याङतान र मोटरसाइकलको पछाडि सवार सोही स्थानका ३४ वर्षीय सन्तबहादुर न्यासुर गम्भीर घाइते भएका जिल्ला प्रहरी कार्यलय मकवानपुरका प्रवक्ता एवं प्रहरी नायब उपरीक्षक टेकबहादुर कार्कीले जानकारी दिए।
घाइते दुवैजनाको टाउको र शरीरका विभिन्न भागमा चोट लागेको छ। दुवैलाई उपचारका लागि हेटौँडा ल्याइएको प्रवक्ता कार्कीले जानकारी दिए।
2022-09-29-12-22-58.jpeg)
