- वि.सं २o८o बैशाख ५ मंगलबार
खासी पोर्क सबै ग्राहकले रुचाउने परिकार हो । यो सुँगुरको सुकुटी (स्मोक्ड पोर्क) भए पनि खाँदा नरम र स्वादिलो हुन्छ । खासी पोर्क पकाउन सुरुमा सुँगुरको करङ र फिलाको भागलाई सुकुटी काटेझैँ आकारमा काटिन्छ । त्यसपछि किकुमन सस र नुन स्वादअनुसार मिसाएर आधा घन्टा मेरिनेट गरेर गाँउघरमा सुकुटी सुकाएझैँ आगोमाथि सुकाउने गरिन्छ ।
आवश्यक सामग्री : फाक्सा, किकुमक सस, नुन स्वादअनुसार । अर्को परिकार पोर्क पक्कु हो । सुँगुरको मासुलाई ठूलो–ठूलो काट्ने र त्यसमा अदुवा–लसुनको पेस्ट, तोरीको तेल, जिराको धुलो, बेसार र नुन स्वादअनुसार हालेपछि राम्रोसँग मोलेर आधा घन्टा मेरिनेट गर्ने गरिन्छ । कसौडीमा मेरिनेट गरेको मासु हालेर ठप्पै हावा नछिर्ने गरी छोप्ने र सानो आगोमा तीनदेखि चार घन्टासम्म पकाउने, पाक्ने वेलामा स्थानीय मसला चिम्खिङ र खानाक्पा धुलो बनाएर हाल्ने गरिन्छ ।
आवश्यक सामग्री : फाक्सा, अदुवा–लसुनको पेस्ट, जिराको धुलो, बेसार, तोरीको तेल, चिम्खिङ, खानाक्पा र नुन स्वादअनुसार ।
