Skip This
हप्ताकाे काराेबारकाे अन्तिम दिन आज बिहीबार पनि सेयर बजार राताम्मे भएको छ। आज सेयर बजार परिसूचक नेप्से १८.१५ अंकले घटेर १९१५.१४ विन्दुमा झरेको छ।
यस दिन सबै समूहको सेयर घटेको छ। यसमा पनि जलविद्युत्, माइक्रो फाइनान्स र बिमा समूहको सेयर उच्च अंकले ओरालो लागेको छ। २ सय ५९ वटा कम्पनीका ४३ लाख ४० हजार कित्ता सेयर किनबेच हुँदा एक अर्ब ४१ करोड ३१ लाख रुपैयाँमा कारोबार भएका छन्।
सबैभन्दा धेरै एनआइसी एसिया बैंकको २१ करोड ७४ लाख रुपैयाँको सेयर किनबेच भएको छ। समग्रमा बजार घटे पनि आज सबैभन्दा धेरै मायाखोला जलविद्युत्, एसियन हाइड्रोपावर र नेपाल इन्भेस्टमेन्ट मेगा बैंकको प्रमोटर सेयर १० प्रतिशतले बढेको छ भने सबैभन्दा धेरै घट्नेमा युनिक नेपाल लघुवित्त कम्पनी र सिर्जनशील लघुवित्त छन्।
