१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७९ चैत ५ आइतबार
  • Monday, 24 June, 2024
मुना कुँवर क्वालालम्पुर (मलेसिया)
२o७९ चैत ५ आइतबार o६:३६:oo
Read Time : < 1 मिनेट
ad
ad
ad
ad
फ्रन्ट पेज प्रिन्ट संस्करण

मलेसियाको सडकमा नेपाली श्रमिकको कारुणिक तस्बिर

Read Time : < 1 मिनेट
मुना कुँवर, क्वालालम्पुर (मलेसिया)
नयाँ पत्रिका
२o७९ चैत ५ आइतबार o६:३६:oo

अस्वाभाविक व्यवहार देखाउने बाजुराका मकिन्द्र शाही जसलाई कम्पनीको नामसमेत थाहा छैन

मलेसियाको राजधानी क्वालालम्पुरस्थित कतरिया सडकको कार पार्किङ गर्ने स्थानमा एक व्यक्ति अलपत्र अवस्थामा लडिरहेको भेटिए । नेपालीजस्ता लागेपछि चासो राख्दा उनले आफ्नो साथको नागरिकता देखाए । उनी रहेछन् बाजुराका मकिन्द्रबहादुर शाही । नागरिकताअनुसार उनको ठेगाना साबिकको बाई गाविस– २ हो । 

अस्वाभाविक व्यवहार देखाउने उनको कुराकानीमा लय थिएन । मानसिक असन्तुलन भएजस्तो देखिन्थ्यो । एक थान फुटेको मोबाइल बोकेका उनले १४ दिनेदेखि भोकै रहेको बताए । कम्पनीको तालिम चलिरहेकाले आफू पार्किङमा आराम गर्न आएको पनि बताए । बोल्दाबोल्दै उनको लय बिग्रियो, ‘नेपालबाट हेलिकोप्टर लिन आउँछ, अनि जाने हो । म नेपालको राजा हो, भगवान् हो ।’ उनले काम गर्ने कम्पनीको नाम र बसाइबारे पनि बताउन सकेनन् । तर, आठ वर्षअघि मलेसिया आएको तथा घरमा श्रीमती र छोरी भएको बताए । नागरिकतामा उल्लेख भएअनुसार उनकी श्रीमतीको नाम नानी शाही हो । १३ जेठ ०४९ मा जन्मिएका उनी रंगवीर शाहीका छोरा हुन् । 

गैरआवासीय नेपाली संघ मलेसियाका अध्यक्ष विनोद थापाले अलपत्र शाहीलाई आवश्यक सहयोग गर्न तयार रहेको बताए । संघले विपत्मा परेका कामदारका लागि सहयोग गर्दै आएको बताउँदै उनले संघकै सेल्टरमा राख्न तयार रहेको पनि बताए । 

सन् २०१८ मा नेपाल र मलेसिया सरकारबीच फ्री भिसा र फ्री टिकटमा नेपाली कामदार लैजाने सम्झौता भएको थियो । साथै, मलेसिया सरकारले हालै आफ्नो देशमा कार्यरत कामदारलाई मासिक १५ सय रिंगेट (नेपाली झन्डै ४५ हजार रुपैयाँ) आधारभूत तलब दिने व्यवस्था गरेको छ । त्यसपछि पछिल्लो समय वैदेशिक रोजगारीमा जाने नेपालीका लागि मलेसिया आकर्षणको केन्द्रबिन्दु बनेको छ । मलेसियामा झन्डै चार लाख नेपाली कामदार रहेको अनुमान छ । 
 

ad
ad
ad
ad