- वि.सं २०८१ बैशाख १२ बुधबार
आइसिसी पुरुष विश्वकप डिभिजन लिग– २ अन्तर्गतको अन्तिम तथा नेपालका लागि निर्णायक म्याच चलिरहेको छ ।
म्याचमा नेपाललाई समर्थन गर्न हजारौँ समर्थक मैदान पुगेका छन् । कीर्तिपुरस्थित त्रिवि खेलमैदान दर्शकले भरिभराउ छ ।
मैदान प्रवेश गर्न नपाएका दर्शक आसपासका रूख, घरका छतमा चढेर म्याच हेरिरहेका छन् ।
हातहातमा नेपाली राष्ट्रिय झन्डा बोकेका समर्थकले नेपाली खेलाडीलाई हौसला दिइरहेका छन् । मैदानको दृश्यलाई नयाँ पत्रिकाकर्मी ज्ञानेन्द्र कार्कीले क्यामेरामा यसरी कैद गरेका छन् ।
