अर्जेन्टिना यू– २० विश्वकप प्रतियोगितामा छनोट हुन असफल भएको छ । सिनियर टोलीले विश्वकप २०२२ को उपाधि जितेकै वर्ष २० वर्षमुनिको टोली विश्वकप प्रतियोगितामा छनोट हुन असफल भएको हो ।
गए राति सम्पन्न खेलमा अर्जेन्टिनालाई कोलम्बियाले १–० ले पराजित गर्यो।
अधिकांश समय अर्जेन्टिनाका युवा खेलाडीले बल नियन्त्रणमा राखे पनि गोल गर्न असफल भए।
समूह ‘ए’ मा रहेको अर्जेन्टिनाले यसअघिका ब्राजिल र पाराग्वेसँगका खेल हारिसकेको थियो। महत्वपूर्ण म्याचमा कोलम्बियासँग पराजित भएपछि अर्जेन्टिना विश्वकप प्रतियोगितामा छनोट हुन असफल भएको हो।
यही वर्ष इन्डोनेसियामा अन्डर २० विश्वकप फुटबल प्रतियोगिता आयोजना हुँदै छ।
