१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७९ पौष ७ बिहीबार
  • Monday, 24 June, 2024
रासस जेनेभा
२o७९ पौष ७ बिहीबार १३:४२:oo
Read Time : < 1 मिनेट
ad
ad
ad
ad
विश्व डिजिटल संस्करण

‘मेड इन हङकङ’ लेबलमाथि अमेरिकी प्रतिबन्धले व्यापारिक कानुनको उल्लंघन : विश्व व्यापार संगठन

Read Time : < 1 मिनेट
रासस, जेनेभा
नयाँ पत्रिका
२o७९ पौष ७ बिहीबार १३:४२:oo

हङकङका उत्पादनलाई ‘मेड इन चाइना’को लेबल लगाउनुपर्ने भन्दै अमेरिकाले गरेको प्रतिबन्धले अन्तर्राष्ट्रिय व्यापार कानुनको उल्लंघन गरेको विश्व व्यापार संगठनले ठहर गरेको छ।

विश्व व्यापार संगठनको विवाद समितिले वासिङ्टनको राष्ट्रिय सुरक्षा हितले यस्तो लेबलिङका लागि अनुमति दिएको भन्ने वासिङ्टनको तर्कलाई अस्वीकार गर्दै अमेरिकी मूलचिह्नको आवश्यकताले व्यापार निकायको नियमअन्तर्गत देशको दायित्वको उल्लंघन गरेको बताएको छ।

समितिले यसलाई ‘अन्तर्राष्ट्रिय सम्बन्धमा आपतकालीन अवस्था’ नभएको र अमेरिकाको लेबलिङ नियमले हङकङमा बनेका उत्पादनमाथि भेदभाव गरेको बताएको छ।

२०२० अगस्ट ११ मा अमेरिकाले आफ्नो देशमा निर्यात गरिएको हङकङका उत्पादनहरूमा ‘मेड इन चाइना’ चिह्नित गर्न भनेको थियो। हाल हङकङ निर्यात उत्पादनहरूलाई ‘हङकङ’को रूपमा चिह्नित गरिएको छ। किनकि हङकङ विश्व व्यापार संगठनको एक अलग सदस्य हो र ‘एक देश, दुई प्रणाली’अन्तर्गत छुट्टै भन्सार क्षेत्रको रूपमा विशेष दर्जा प्राप्त गरेको छ।

हङकङ विशेष प्रशासनिक क्षेत्र सरकारले विश्व व्यापार संगठनको उक्त निर्णयको स्वागत गरेको छ। हङकङ सरकारका वाणिज्य तथा आर्थिक विकासमन्त्री अल्गर्नोन याउले एक विज्ञप्ति जारी गर्दै अमेरिकाले अन्तर्राष्ट्रिय व्यापार नियमहरूको अवहेलना गरेको, एकतर्फी रूपमा भेदभावपूर्ण र अनुचित सर्तहरू लागू गर्ने प्रयास गरेको, अनुचित रूपमा हङकङका उत्पादनहरू र उद्यमहरूलाई दबाएको र आर्थिक र व्यापारिक मुद्दाहरूलाई राजनीतीकरण गरेको बताएका छन्।

ad
ad
ad
ad