- वि.सं २o७९ मङ्सिर ७ बुधबार
गुल्मी क्षेत्र नं२ को मतगणनामा एमालेका गोकर्ण बिष्टले २४४५ मतले अग्रता लिएका छन । मुसिकोट नगरपालिका, रेसुङा नगरपालिका, इस्मा र मदाने गाउँपालिकाको मतगणना हुँदा गोकर्णले २३ हजार ९ सय ३४ र रामकुमारी झाक्रीले २१ हजार ४८९ मत प्राप्त गरेको गुल्मी क्षेत्र न २ का निर्वाचन अधिकृतको कार्यालयका प्रबत्ता अमर केसिले जानकारी दिए ।
क्षेत्र नं २ को लुम्बिनी प्रदेश क मा अहिलेसम्म एमालेका डिल्लीराज भुसालले १५६८ अग्रताका साथ १२१२० र गठबन्धनको तर्फबाट काङ्ग्रेस भुवनप्रसाद श्रेष्ठको १०५५२ मत रहेको छ । प्रदेश क मा मुसिकोट नगरपालिका, इस्मा गाउपालिका र रेसुङा नगपालिका १ को मतगणना भएको छ ।
त्यस्तै प्रदेश सभा ख मा एमालेका दिनेश पन्थीको ८६८४ र गठबन्धनको तर्फबाट माओवादीका बुद्धि जिसिको ८४३८ मत रहेको छ । अहिलेसम्म धुर्कोट गाउँपालिका र मदाने २ देखि ७ वडा गणना सकिएको छ ।
