Skip This
-Open-20822025-04-22-05-02-06.png)
लुम्बिनी प्रदेशका मुख्यमन्त्री चेतनारायण आचार्यले आर्थिक वर्ष ०८२/८३ को बजेट जनसन्देश दिने गरी तर्जुमा गर्न मातहतका निकायलाई निर्देशन दिएका छन् । उनले सीमित स्रोत–साधनलाई ध्यानमा राखी सुधारमुखी तथा कार्यान्वयनयोग्य योजना समेट्नुपर्ने बताए । मुख्यमन्त्रीको कार्यालयमा बजेट तर्जुमासम्बन्धी गरिएको एक कार्यक्रममा मुख्यमन्त्री आचार्यले घाटा बजेट ल्याउने पक्षमा नरहेको बताए ।
चालू आर्थिक वर्षमा झन्डै ३९ अर्बको बजेट ल्याइएको भए पनि आगामी वर्षमा ३२ अर्बभन्दा बढी बजेट बनाउने अवस्था नरहेको उनले बताए । ‘यसपटक घाटाको बजेट ल्याएर अघि बढ्न सकिँदैन । त्यसैले बजेटको सीमा निर्धारण गरिएको हो,’ उनले भने । समानीकरण अनुदान प्राप्त नहुँदा दायित्व थपिएको अवस्था रहे पनि त्यसबाट मुक्त भइसकेको प्रदेश सरकारले अब ऋण बोक्ने, भार थोपर्ने काम नगर्ने उनले बताए ।
