Skip This
-Open-20822025-04-22-05-02-06.png)
महालक्ष्मी विकास बैंक आर्थिक वर्ष ०८१/८२ को तेस्रो त्रैमाससम्म सबैभन्दा कम कोष लागत (कस्ट अफ फन्ड) भएको विकास बैंक बनेको छ । बैंकले प्रकाशित गरेको चैत मसान्तसम्मको वित्तीय विवरणअनुसार कोष लागत ५.०४ प्रतिशत छ । यो गत आवको सोही अवधिमा ७.६२ प्रतिशत रहेको थियो ।
कोष लागत प्रतिशत कम हुँदा सोको सकारात्मक असर आधारदरमा समेत परेको बैंकले जनाएको छ । जसअनुसार बैंकको आधारदर चैत मसान्तसम्म ७.१४ प्रतिशत रहेको बताइएको छ । आधारदर कम हुँदा ऋणीले लिने ऋणको ब्याजदरसमेत कम हुने हुँदा सोको लाभ ऋणीले लिन सक्छन् ।
त्यसैगरी, नेपाल राष्ट्र बैंकले तोकेको न्यूनतम पुँजी कोषको तुलनामा बैंकको पुँजी कोष चालू आवको चैत मसान्तसम्म १५.७५ प्रतिशत रहेको छ, जुन गत आवको सोही अवधिमा १२.७५ प्रतिशत रहेको थियो । यसरी न्यूनतम पुँजी कोष बढी भएको अवस्थामा बैंकलाई जोखिम व्यवस्थापन गर्न सहज हुन्छ ।
