- वि.सं २o८१ पौष २० शनिबार
सर्वाेच्च अदालत बार एसोसियसनको अध्यक्षमा वरिष्ठ अधिवक्ता मेघराज पोखरेल निर्वाचित भएका छन्। शनिबार भएको निर्वाचनमा निकटतम प्रतिस्पर्धी महेशकुमार थापाभन्दा दोब्बर मत ल्याएर उनी विजयी भएका हुन्।
पोखरेलले ३६८ मत प्राप्त गर्दा थापाले १८१ मात्र प्राप्त गरे। अर्का प्रतिस्पर्धी प्रेमसिंह धामीले १८ मत प्राप्त गरेका छन्।
त्यस्तै, उपाध्यक्षमा अम्बरबहादुर राउत, सचिवमा रमनकुमार कर्ण, सहसचिवमा पुन्दवी महर्जन(सृजना), कोषाध्यक्षमा रामचन्द्र पौडेल र महिला सदस्यमा शशी बस्नेत निर्वाचित भएका छन्।
खुला सदस्यमा दुर्गामोहन श्रेष्ठ, इन्द्रशेखर खड्का, प्रदीपकुमार श्रेष्ठ, नागेश्वरप्रसाद चौधरी, निर्मलप्रसाद उपाध्याय, ओमकृष्ण श्रेष्ठ, प्रमोद रेग्मी, प्रदीपकुमार राजवंशी र सतिशराज मैनाली विजयी भएका छन्।
विजयी भएकामध्यै मैनालीबाहेक सबै पोखरेलकै प्यानलका हुन्।
