भारतलाई हराउँदै नेपाल साफ च्याम्पियनसिपको फाइनलमा पुगेको छ। पेनाल्टी सुटआउटमा नेपाल ४–२ ले विजयी भएको हो। अब नेपालले उपाधिका लागि बंगलादेशसँग खेल्नेछ।
दशरथ रंगशालामा भएको खेलमा भारतको लागि संगीता बास्फोरेले अग्रता बनाएकी थिइन्। लामो विवादपछि नेपालका लागि साबित्रा भण्डारीले गोल गर्दै बराबरी बनाइन्। निर्धारित ९० मिनेटको खेलपछि खेल पेनाल्टी सुटआउटमा पुगेको हो। ६ः३० बजे सुरु भएको खेल विवादपछि ढिला हुँदा ९ः ४५ बजे पेनाल्टी सुटआउटमा पुगेको थियो।
पेनाल्टीमा नेपालका लागि साबित्रा, गीता राना, सबिता रानामगर र अमिशा कार्कीले गोल गरे। भारतका लागि मनीषा, पुरुषोत्तम सिर्भोइकरले गोल गर्दा कप्तान असलताको प्रहार पोस्टमा लागेर फर्कियो। चानु सोरोखैबामको प्रहार गोलकिपर अन्जना रानामगरले रोकिन्।