नेपालका लागि टिभिएसको आधिकारिक वितरक जगदम्बा मोटर्सले ‘टिभिएस ग्रेट ग्र्यान्ड एक्सचेन्ज एन्ड फाइनान्स मेला’ नामको एक्सचेन्ज मेला आयोजना गरेको छ । कम्पनीले काठमाडौंको भृकुटीमण्डपमा कात्तिक ५ गतेसम्मका लागि मेला आयोजना गरेको हो ।
मेलामा ग्राहकले कुनै पनि ब्रान्डका पुराना बाइक तथा स्कुटर एक्सचेन्ज गर्दा आकर्षक छुट तथा उपहारहरू पाउने जनाइएको छ । ग्राहकले आफ्नो पुरानो बाइक तथा स्कुटर एक्सचेन्ज गरेर टिभिएसको दुईपांग्र्रे सवारीसाधन लिँदा बजार मूल्यांकनभन्दा सात हजार रुपैयाँ बढी मूल्य पाउने कम्पनीले जनाएको छ । साथै, नकिन्दै एक लाख र किन्दा १० लाखसम्मको नगद छुटको पनि व्यवस्था रहेको जनाइएको छ ।
योजनामा आकर्षक फाइनान्स अफर पनि समावेश रहेको उल्लेख छ । जसअनुसार न्यूनतम २५ प्रतिशत डाउन पेमेन्ट र चार हजार दुई सय ७७ रुपैयाँको मासिक इएमआईमा बाइक तथा स्कुटर लिन सकिने कम्पनीले जनाएको छ । ग्राहकले हेलमेट, बाइक कभर र ब्यागजस्ता उपहार पनि प्राप्त गर्न सक्ने जनाइएको छ । कम्पनीले देशभरमा एक सय ४० भन्दा बढी डिलरमार्फत ग्राहकलाई टिभिएसका दुईपांग्रे सवारीसाधन बिक्री गर्नुका साथै बिक्रीपश्चात्को सेवा र देशभर जगेडा पार्टपुर्जा उपलब्ध गराउँदै आएको जनाएको छ ।
