प्रधानन्यायाधीश चोलेन्द्रशमशेर जबरामाथिको महाभियोग प्रस्तावमा छानबिन गर्न गठित सिफारिस समितिको बैठक आज पनि बस्ने भएको छ ।
१ बजे बस्ने आजको बैठकमा बुधबार जबराले नाम लिएका बार पदाधिकारी, अधिवक्ता र पूर्वप्रधानन्यायाधीशहरू पनि सहभागी हुनेछन् । त्यसका लागि महाभियोग सिफारिस समितिका प्रवक्ता लक्ष्मीप्रसाद गौतमले नाम संकलन गरेर हिजै पत्राचार गरिसकेको जानकारी दिए । यसअघि समितिले बैठक ८ बजेका लागि डाकेको थियो । तर, न्यायाधीशहरू नआउने भएपछि १ बजेका लागि सारिएको समिति सचिव लक्ष्मी गौतमले बताए ।
निलम्बित प्रधानन्यायाधीश चोलेन्द्रशमशेर जबराविरुद्धको महाभियोग सिफारिस समितिले प्रधानन्यायाधीश जबराले बयानमा नाम लिएका कानुन व्यवसायीहरूलाई स्पष्टीकरणका लागि बोलाएको हो ।
See More On
