पुँजी बजार संघकी अध्यक्ष राधा पोखरेलले मौद्रिक नीतिले सेयर बजारलाई उत्साही बनाउन नसकेको प्रतिक्रिया दिएकी छिन् ।
चालू आर्थिक वर्षका लागि राष्ट्र बैंकले शुक्रबार जारी गरेको मौद्रिक नीतिबारे प्रतिक्रिया दिँदै पोखरेलले बढी फूलबुट्टा भरेर ल्याइएको बताइन् । ‘सेयर बजारलाई निकै उत्साहित बनाउने गरी मौद्रिक नीति आउन सकेन,’ नयाँ पत्रिकासँग उनले भनिन्, ‘जोखिम भार अहिले पनि एक सय प्रतिशत नै रहेको छ ।’
लगानीकर्ता नवराज दाहालले भने ठूला लगानीकर्तालाई अझै पनि सेयर धितो कर्जाले प्रभाव पारेको भए पनि साना लगानीकर्ताको हितमा हुने गरी मौद्रिक नीति आएको बताए । ‘दुईवटा सकारात्मक पक्ष छन्, मर्जरमा जाँदा कारोबार रोकिनुहुँदैनथ्यो, त्यो हटाइयो, सीमा कर्जा बढाइयो सकारात्मक छ,’ दाहालले भने ।
See More On
