देशभर थप तीन सय ७२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयले शनिबार सार्वजनिक गरेको विवरणअनुसार पछिल्लो २४ घन्टामा पिसिआर परीक्षणमा दुई सय ९७ र एन्टिजेन परीक्षणमा ७५ जनामा संक्रमण देखिएको हो।
यो अवधिमा पाँच हजार तीन सय १६ जनाको पिसिआर परीक्षण र दुई हजार पाँच सय ९५ जनाको एन्टिजेन परीक्षण गरिएको थियो।
हाल देशभर नौ हजार पाँच सय २६ जना सक्रिय संक्रमित रहेका छन्। बिहीबार ९ सय ११ जना कोरोना संक्रमणमुक्त भएका छन्।
पछिल्लो २४ घन्टामा ११ जना संक्रमितको मृत्यु भएको छ। हालसम्म मृत्यु हुने संक्रमितको संख्या ११ हजार तीन सय ९९ पुगेको छ।
See More On
