देशभर थप पाँच सय १३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले शनिबार सार्वजनिक गरेको विवरणअनुसार पछिल्लो २४ घन्टामा पिसिआर परीक्षणमा चार सय ३८ र एन्टिजेन परीक्षणमा ७५ जनामा संक्रमण देखिएको हो ।
यो अवधिमा चार हजार नौ सय ७२ जनाको पिसिआर परीक्षण र एक हजार नौ सय ५९ जनाको एन्टिजेन परीक्षण गरिएको थियो ।
हाल देशभर १० हजार पाँच सय ५९ जना सक्रिय संक्रमित रहेका छन् । शनिबार आठ सय १७ जना कोरोना संक्रमणमुक्त भएका छन् ।
पछिल्लो २४ घन्टामा आठजना संक्रमितको मृत्यु भएको छ । हालसम्म मृत्यु हुने संक्रमितको संख्या ११ हजार तीन सय ४५ पुगेको छ ।
