सुपर ओभर खेल्नका लागि आवश्यक प्रकाश नपुगेपछि दुवै टिमले समान एक–एक अंक बाँडेका छन्
चौथो एभरेस्ट प्रिमियर लिग (इपिएल) अन्तर्गत बिहीबार ललितपुर प्याट्रियट्स र भैरहवा ग्लाडिटर्सबीचको खेल बराबरी भएको छ । जारी इपिएल पहिलोपटक खेल बराबरी भएको हो । खराब प्रकाशका कारण खेल सुपर ओभरमा जान नसक्ने भएपछि ललितपुर र भैरहवाले समान एक–एक अंक बाँडेका छन् । बराबरीसँगै भैरहवा चार अंकका साथ शीर्ष स्थानमा उक्लेको छ ।
पहिलो ब्याटिङ गरेको ललितपुरले २० ओभरमा सात विकेट गुमाएर एक सय ७७ रनको बलियो योगफल खडा गरेको थियो । प्रत्युत्तरमा भैरहवाले २० ओभरमा पाँच विकेट गुमाएर एक सय ७७ रन जोड्दै खेल बराबरी गर्यो । भैरहवाले ललितपुरसँग एक अंक खोस्नमा शरद भेषवाकरले इनिङ्सको अन्तिम बलमा छक्का प्रहार गरेका थिए । अन्तिम ओभरमा भैरहवालाई जितका लागि १८ रन आवश्यक थियो ।
ललितपुरबाट अनुभवी बलर रसिद खानले बलिङ गरेका थिए । अन्तिम ओभरको पहिलो दुई बलमा कुशल मल्लले दुई–दुई रन लिए । १९.३ ओभरमा रसिदले सन्दीप जोराबाट कुशललाई क्याच आउट गराए । कुशलको विकेटसँगै ललितपुरले लगभग खेल पकडमा लियो । भैरहवालाई अन्तिम तीन बलमा १४ रन आवश्यक थियो । १४.४ ओभरमा उपल थरंगाले छक्का प्रहार गरे । अर्को बलमा उनले एक रन लिँदै भेषवाकरलाई स्ट्राइक दिए ।
अन्तिम बलमा भैरहवालाई जितका लागि सात रन आवश्यक थियो । जुन असम्भव नै थियो । नो बल वा वाइड बलमा छक्का प्रहार भए मात्र भैरहवाले खेल जित्ने थियो । यसबाहेक खेल बराबरीसम्म पुर्याउन भैरहवालाई कम्तीमा छक्का आवश्यकता थियो । केवल चौका वा रनले पनि ललितपुरले जित हात पार्न सक्थ्यो । यही कारण ललितपुर लगभग जितको मुखैमा देखिन्थ्यो । रसिदको सीधा बललाई भेषवाकरले छक्काका रूपमा प्रहार गर्दैै खेल बराबरीमा पुर्याए । यस ओभरमा रसिदले १७ रन खर्चेका थिए ।
ललितपुरद्वारा सानदार ब्याटिङ
गातार दुई खेल गुमाएको साविक विजेता ललितपुर दबाबमा थियो । भैरहवासँग पनि पराजित हुँदा लगभग उपाधिको होडबाट बाहिरिने अवस्था थियो । यसकारण ललितपुरसमक्ष भैरहवाविरुद्ध ब्याटिङ तथा बलिङ उत्कृष्ट प्रदर्शन गर्नुपर्ने दबाब थियो । पहिलो ब्याटिङ गरेको ललितपुरका चार ब्याट्सम्यानले उत्कृष्ट ब्याटिङ प्रदर्शन गर्दा पहिलोपटक चालू इपिएलमा एक सय ५० रनमाथिको योगफल कटायो ।
कप्तान कुशल भुर्तेललाई दुई रनमै गुमाएको ललितपुरले श्रीलंकाली विकेटकिपर सन्दुम विराकोडी, ओसाडा फर्नान्डो, सन्दीप जोरा तथा अशमुतुल्लाह ओमाजैबाट दरिलो ब्याटिङको साथ पायो । यी चारै ब्याट्सम्यानबीच साझेदारी पनि राम्रो भएको थियो । विराकोडीले ४१ बलमा पाँच छक्का र दुई चौकाको सहयोगमा ५८ रनको योगदान दिए । यसैगरी ओसाडाले १९ बलमा २० रन तथा सन्दीपले २५ बलमा दुई चौका र दुई छक्का प्रहार गरी ३८ रन बनाए । अजमुतुल्लाहले २२ बलमा चार छक्का र दुई चौका प्रहार गरी ४२ रन बनाए । खेलमा म्यान अफ दी म्याच भैरहवाका थरंगा भए ।
चितवनको रोमाञ्चक जित
बुधबार पहिलो खेलमा कप्तान सन्दीप लामिछानेको कप्तानीमा ओर्लेको काठमाडौं किंग्स इलाभेन चितवन टाइगर्ससँग तीन विकेटले पराजित भएको छ । पहिलो ब्याटिङ गरेको काठमाडौंले २० ओभरमा आठ विकेटको क्षतिमा एक सय ४१ रन बनाएको थियो । प्रत्युत्तरमा चितवनले खेल सकिन आठ बलअघि नै सात विकेट गुमाएर एक सय ४२ रन जोड्यो । चितवनलाई महत्वपूर्ण दुई अंक दिलाउनमा राजेश पुलामी तथा दिलीप नाथको योगदान विशेष रह्यो ।
भैरहवाको कमजोर सुरुवात
प्रतिओभर आठ नजिकको लक्ष्य पछ्याएको इनिङ्समा भैरहवाले कमजोर सुरुवात गर्यो । पहिलो तीन विकेट गुमाउँदा भैरहवाले ३९ रन मात्र जोडेको थियो । त्यसपछि श्रीलंकाली पूर्वअनुभवी ब्याट्सम्यान थरंगा र आरिफ सेखले चौथो विकेटका लागि ५.१ देखि १४.६ ओभरमा ८४ रनको साझेदारी गर्दै भैरहवालाई जितको आशा दिलाए । सेखले २८ बलमा दुई चौका र एक छक्का प्रहार गरी २८ रनको योगदान दिए ।
अन्तिम बलमा भैरहवालाई जितका लागि सात रन आवश्यक थियो । जुन असम्भव नै थियो । नो बल वा वाइड बलमा छक्का प्रहार भए मात्र भैरहवाले खेल जित्ने थियो । यसबाहेक खेल बराबरीसम्म पु¥याउन भैरहवालाई कम्तीमा छक्का आवश्यक थियो ।
थरंगाले कुशल मल्लसँग पाँचौँ विकेटका लागि ५१ रनको साझेदारी गरे । कुशलले १९ बलमा आक्रामक शैलीमा ब्याटिङ गरी दुई छक्का र तीन चौकाको सहयोगमा ३५ रनको योगदान दिए । नटआउट रहेका थरंगाले ४४ बलमा तीन छक्का र ६ चौका प्रहार गर्दै ६७ रन बनाए । बलिङमा रसिदले ३४ रन खर्चेर तीन तथा रिजान ढकालले १७ रनमा दुई विकेट हात पारेका थिए ।
ललितपुर दुई ओभरमा सम्हालिन नसक्दा
चितवनले लक्ष्य पछ्याएको इनिङ्सको १७औँ ओभरमा ११५/७ को अवस्थामा थियो । चितवनलाई १८ बलमा २७ रन आवश्यकता थियो । इनिङ्सको १८औँ ओभरमा जनक प्रकाश बलिङ गर्न आए । डेथ ओभरतिर जनक सम्हालिन सकेनन् । उनले पहिलो बल डट फ्याँके । त्यसपछि उनले नो बल गरे । कमल ऐरीले नो बलमा छक्का प्रहार गरे । जनकले फ्याँकेको तेस्रो बलमा कमलले पुनः छक्का प्रहार गर्दै चितवनलाई जितनजिक पुर्याए । यस ओभरमा जनकले १६ रन दिए । इनिङ्सको १९औँ ओभरमा अनुभवी बलर जितेन्द्र मुखियाले ललितपुरका लागि बलिङ गरेका थिए ।
उनले लगातार दुई बल वाइड फ्याँके । कमलले १८.२ ओभरमा एक रन लिँदै राजेशलाई स्ट्राइक दिए । मुखियाको तेस्रो बलमै राजेशले छक्का प्रहार गरे । अर्को बलमा उनले एक रन लिँदै एक सय ४१ रनको स्कोर बराबरी गरे । मुखियाले अर्को बल वाइड फ्याँक्दा चितवनले ललितपुरलाई तीन विकेटले हरायो । राजेशले २९ बलमा दुई चौकाको सहयोगमा २६ रन तथा कमलले १५ बलमा दुई छक्का र एक चौकाको सहयोगमा २३ रनको योगदान दिए । बलिङमा मुखिया र रायन बुरलले समान दुई–दुई विकेट हात पारे ।
