पछिल्लो २४ घन्टामा देशभर थप दुई हजार चार सय ३३ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पिसिआर परीक्षणबाट दुई हजार ५२ जना र एन्टिजेन परीक्षणबाट तीन सय ८१ जनामा कोरोना भाइरस संक्रमण पुष्टि भएको हो।
गत २४ घन्टामा नाै हजार सात सय दुईजनाको पिसिआर र चार हजार ६ सय ७२ जनाको एन्टिजेन गरी जम्मा १४ हजार तीन सय ८४ जनाको कोरोना परीक्षण भएको थियो ।
यसैगरी, यो अवधिमा एक हजार नाै सय २९ जना संक्रमणमुक्त भएका छन् भने २६ संक्रमितको मृत्यु भएको छ । हाल देशभर ३८ हजार तीन सय ८४ सक्रिय संक्रमित रहेका मन्त्रालयको तथ्यांकमा उल्लेख गरिएको छ।