पछिल्लो २४ घन्टामा देशभर तीन हजार चार सय तीनजना कोरोना संक्रमित थपिएका छन् । पिसिआर परीक्षणमा दुई हजार ६ सय १३ र एन्टिजेन परीक्षणमा सात सय ९० जनामा संक्रमण पुष्टि भएको छ ।
यो अवधिमा ११ हजार आठ सय ३९ जनाको पिसिआर परीक्षण र चार हजार नौ सय ९९ जनाको एन्टिजेन परीक्षण गरिएको थियो ।
हाल देशभर ४० हजार तीन सय ३८ जना सक्रिय संक्रमित रहेका छन् । बुधबार दुई हजार एक सय चारजना संक्रमणमुक्त भएका छन् ।
स्वास्थ्य तथा जनसंख्या मन्त्रालयले बुधबार साँझ सार्वजनिक गरेको विवरणअनुसार पछिल्लो २४ घन्टामा ४२ जनाको मृत्यु भएको छ । हालसम्म मृत्यु हुने संक्रमितको संख्या १० हजार तीन सय ९६ पुगेको छ ।
