केमिकल प्रयोग गरेर रुपैयाँ दोब्बर बनाइदिने भ्रममा पारी ठगी गर्ने एक व्यक्ति पक्राउ परेका छन् ।विराटनगर महानगरपालिका– ८ अशोक चोक बस्ने ३५ वर्षीय चन्दनकुमार मुखियाले केमिकल प्रयोग गरेर रुपैयाँ दोब्बर बनाइदिने भन्दै दुई लाख २० हजार रुपैयाँ ठगी गरेको आरोपमा मोरङ प्रहरीले पक्राउ गरेको हो ।
ठग मुखियाले सोही ठाउँ बस्ने ३१ वर्षीय राजकुमार रायलाई एक बाल्टिन पानीमा गोल्डेन कलरको कागज राखेर सिरिन्जमार्फत केमिकल हालेर २४ घन्टाभित्र रुपैयाँ दोब्बर बनाउन सकिन्छ भनेर पैसा लिएका थिए ।
भनेअनुसार गर्दा पैसा दोब्बर नभएपछि रायले आफू ठगिएको भन्दै उजुरी गरेपछि प्रहरीले सोमबार मुखियालाई पक्राउ गरेर अनुसन्धान थालेको छ ।
See More On
