राष्ट्रिय जनमोर्चाले गण्डकी प्रदेशका सांसद कृष्ण थापालाई गरेको कारबाही सर्वोच्च अदालतले सदर गरिदिएको छ । पार्टीको निर्णयविपरीत मुख्यमन्त्री पृथ्वी सुब्बा गुरुङलाई समर्थन गरेपछि जनमोर्चाले थापालाई पार्टी र सांसदबाट कारबाही गरेको थियो ।
यसअघि थापाको पक्षमा सर्वोच्चले गरेको अन्तरिम आदेश सोमबार खारेज भएको छ । अन्तरिम आदेशविरुद्ध गण्डकी प्रदेशसभा सचिवालय, प्रदेश सभा सभामुख नेत्रनाथ अधिकारी र राष्ट्रिय जनमोर्चाले सर्वोच्चमा पुनरावेदन निवेदन दिएका थिए । पुनरावेदन निवेदनमा न्यायाधीशद्वय विश्वम्भरप्रसाद श्रेष्ठ र कुमार रेग्मीको संयुक्त इजलासले अन्तरिम आदेश खारेज गरेको हो ।
