सुर्खेतको वीरेन्द्रनगरमा पछिल्लो २४ घन्टामा गरिएको कोरोना(कोभिड–१९) परीक्षणमा थप एक सय १९ जनामा कोरोना संक्रमण पुष्टि भएको छ । पछिल्लो २४ घन्टामा वीरेन्द्रनगर नगरपालिकाभित्रका विद्यार्थी, शिक्षक, गृहिणी, बैैंकर, सहकारी संस्थाका कर्मचारी सुरक्षाकर्मी, स्वास्थ्यकर्मी, पत्रकारलगायतका एक सय १९ जनामा कोरोना संक्रमण पुष्टि भएको हो ।
कोरोना संक्रमण पुष्टि हुनेमा विद्यार्थी २१, कर्मचारी १९, शिक्षक १९, गृहिणी १४, बैंक र सहकारीका कर्मचारी १२, सुरक्षाकर्मी ७, कृषक, व्यवसायी र स्वास्थ्यकर्मी ५/५, भारतबाट फर्केका ५, पत्रकार ५, चालक दुई र राजनीतिज्ञ एकजना रहेको जिल्ला जनस्वास्थ्य सेवा कार्यालय सुर्खेत जनाएको छ ।
नागरिकहरूले स्वास्थ्यका मापदण्डहरू पालना नगर्दा वीरेन्द्रनगर नगरपालिकामा कोरोना संक्रमणदर बढेको जनस्वास्थ्य सेवा कार्यालय सुर्खेतका प्रमुख चेतननिधि वाग्लेले बताए ।
