धरानस्थित बिपी कोइराला स्वास्थ्य विज्ञान प्रतिष्ठानमा उपचारको क्रममा थप दुई संक्रमितको मृत्यु भएको छ । यससँगै प्रतिष्ठानमा मृत्यु हुनेको संख्या एक सय ११ पुगेको छ ।
मोरङको सुन्दरहरैँचाका ६७ वर्षीय पुरुष र इलाम नगरपालिका– १ का २५ वर्षीय युवकको मृत्यु भएको हो । प्रतिष्ठानको सूचना शाखाले दिएको जानकारीअनुसार ६७ वर्षीय पुरुषको आज (सोमबार) बिहान ६ः४० मा मृत्यु भएको थियो । मधुमेहको समस्या भएको उनलाई यही मंसिर १ गत प्रतिष्ठानको कोभिड अस्पताल भर्ना गरिएको थियो । गत कात्तिक २६ गते उनलाई कोरोना पुष्टि भएको थियो ।
२५ वर्षीय युवकलाई यही मंसिर ५ गते कोरोना पुष्टि भई सोही दिन अस्पताल भर्ना गरिएको थियो । क्यान्सरका बिरामी उनको आइतबार राति ९ः३० बजे उपचारको क्रममा ज्यान गएको प्रतिष्ठानले जनाएको छ ।
See More On
