चीनको हुबे प्रान्तको वुहान सहरबाट गत वर्षको डिसेम्बरमा सुरु भएको कोरोना भाइरसबाट हालसम्म विश्वमा १२ लाख ४२ हजार एक सय ९४ जनाको मृत्यु भएकोे जोन्स हप्किङ विश्वविद्यायलले जानकारी दिएको छ । यस्तै कोरोनाबाट हालसम्म चार करोड ९२ लाख ५९ हजार चार सय ४३ व्यक्ति संक्रमित भइसकेका छन् । तीमध्ये तीन करोड ५० लाखभन्दा बढी कोरोनामुक्त भएका छन् ।
संयुक्त राज्य अमेरिका हालसम्म सबैभन्दा बढी प्रभावित देश हो । यहाँ कोरोना भाइरसबाट दुई लाख ३६ हजार ६४ जनाको मृत्यु भएको छ । अमोरिकामा ९७ लाख ३३ हजार तीन सय ५९ जना कोरोना संक्रमित भएका छन् ।
अमेरिकापछि ब्राजिलमा एक लाख ६२ हजार १५ व्यक्तिको कोरोना संक्रमणबाट मृत्यु भएको छ । यहाँ ५६ लाख ३१ हजार एक सय ८१ जना संक्रमित छन् । भारतमा एक लाख २४ हजार नौ सय ५० जनाको कोरोना संक्रमणका कारण मृत्यु भएको छ । यहाँ ८४ लाख ११ हजार सात सय २४ जना संक्रमित भएका छन् ।
मेक्सिकोमा यस भाइरसका कारण ९४ हजार तीन सय २३ जनाको मृत्यु भएको छ भने नौ लाख ५५ हजार एक सय ३८ जना संक्रमित भएका छन् । बेलायतमा ४८ हजार पाँच सय ६५ जनाको मृत्यु भएको छ भने ११ लाख ४९ हजार सात सय ९१ जना संक्रमित भएका छन् ।
चीनमा कोरोना भाइरसबाट ८६ हजारभन्दा बढी व्यक्ति संक्रमित भए भने चार हजार ६ सय ३४ जनाको मृत्यु भएको थियो ।
