हालसम्म विश्वका विभिन्न ४२ देशमा रहेका ४३ हजार पाँच सय ६९ जना नेपालीमा कोरोना भाइरसको संक्रमण भएको छ ।
ती मध्ये ३९ हजार पाँच सय ६५ जना अर्थात् ९२ प्रतिशत गैरआवासीय नेपालीमा कोरोना निको भइसकेको गैरआवासीय नेपाली संघ जनाएको छ ।
अहिलेसम्म १९ देशमा कोरोना संक्रमणबाट दुई सय ८४ जना गैरआवासीय नेपालीको निधन भएको संघले जनाएको छ ।
यो पछिल्लो साता नाै सय ६३ जना गैरआवासीय नेपालीमा कोरोना संक्रमण भएको जनाइएको छ । जसमध्ये चार सय ५० जना नेपाली रोमानियमा रहेकाहरू हुन् ।
संघका अनुसार यस साता रोमानिया, पोल्यान्ड, स्पेन, कतार, क्यानडा, बेलायतमा रहेका गैरआवासीय नेपालीमा कोरोना संक्रमण भएको हो ।
