गण्डकी प्रदेशमा संक्रमित हुनेको संख्या पाँच हजार चार सय ३४ पुग्याे
गण्डकी प्रदेशमा शुक्रबार बिहान थप ७८ जना कोरोना संक्रमित थपिएका छन् । आज थपिएका संक्रमितमा नवलपुरका सबैभन्दा धेरै छन् । नवलपुरमा मात्रै ३८ संक्रमित थपिएको गण्डकी प्रदेश स्वास्थ्य निर्देशनालयले जानकारी दिएको छ । जसमध्ये देवचुलीका १३, गैँडाकोटका १८ र कावासोतीका सातजना रहेका छन् ।
यसैगरी अन्य संक्रमित हुनेहरूमा कास्कीका १९, बाग्लुङका सात, तनहुँका ६, गोरखाका पाँच र लमजुङका तीनजना रहेकाे निर्देशनालयले जनाएकाे छ ।
योसँगै गण्डकी प्रदेशमा संक्रमित हुनेको संख्या पाँच हजार चार सय ३४ पुगेको छ । गण्डकी प्रदेशमा बिहीबार मात्रै अहिलेसम्मकै सबैभन्दा धेरै एक सय ६९ जनामा कोरोना भाइरस संक्रमण पुष्टि भएको थियो ।
See More On
