पछिल्लो २४ घन्टामा देशभर २२ सय ५३ जना नयाँ संक्रमित थपिएका छन् ।
यो अवधिमा १२ हजार सात सय ८४ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
आज थप भएकोसमेत देशभर हालसम्म संक्रमित हुनेको संख्या ८६ हजार आठ सय २३ पुगेको छ ।
आज १३ सय २९ जना संक्रमित निको भएर डिस्चार्ज भएका छन् । हालसम्म ६४ हजार ६९ जना संक्रमित निको भइसकेको मन्त्रालयले जनाएको छ ।
हाल सक्रिय संक्रमितको संख्या भने २२ हजार दुई सय १९ छ ।
संक्रमित निको हुने दर ७३.७ प्रतिशत रहेको मन्त्रालयका प्रवक्ता डा. जागेश्वर गौतमले जानकारी दिए ।
संस्थागत आइसोलेसनमा १० हजार तीन सय २६ र होम आइसोलेसनमा ११ हजार आठ सय ९३ जना रहेको मन्त्रालयले जनाएको छ ।
See More On
