विराटनगरस्थित कोसी कोभिड उपचार केन्द्रमा शुक्रबार दिउँसो विराटनगर– १४ की ७४ वर्षीया वृद्धाको उपचारका क्रममा निधन भएको छ ।
मृतक वृद्धा मिर्गाैला र श्वासप्रश्वासकी बिरामी रहेकीले उनको भेन्टिलेटरमा उपचार भइरहेको थियो ।
कोसी कोभिडमा हालसम्म उपचारका लागि भर्ना भएका ११ जना कोरोना संक्रमितको निधन भइसकेको छ ।
उपचार केन्द्रका जनस्वास्थ्य अधिकृत आनन्द लामिछानेका अनुसार हाल उपचार केन्द्रमा ४० जना उपचाररत छन् ।
जसमध्ये ६ जना सिकिस्त भएकाले उनीहरूको भेन्टिलेटरमा उपचार भइरहेको छ ।
हालसम्म कोभिड उपचार केन्द्रमा पाँच सय ११ जना उपचारका लागि भर्ना भएका छन् । जसमध्ये चार सय ५१ जना निको भएर डिस्चार्ज भइसकेका छन् ।
उपचार केन्द्रबाट एकजना थप उपचारका लागि अन्यत्र रिफर भएका छन् । भर्ना भएका चारजना स्वैच्छाले अस्पताल छाडेका छन् ।
यस उपचार केन्द्रमा ७१ जनरल, १० आइसियू र १० एचडियू शय्या सञ्चालनमा छन् ।
