देशभर पछिल्लो २४ घन्टाको अवधिमा एक हजार पाँच सय ७३ जना नयाँ कोरोना संक्रमित थपिएका छन् ।
पछिल्लो २४ घन्टामा आठ सय ८५ जना संक्रमण मुक्त भई डिस्चार्ज भएका छन् ।
देशभर हालसमम कुल ५३ हजार आठ सय ९८ जनाले कोरोना जितेर डिस्चार्ज भएका छन् । स्वास्थ्य मन्त्रालयका प्रवक्ता डा. जागेश्वर गौतमले देशमा कोरोना निको हुने दर ७३.४ प्रतिशत रहेको पनि जानकारी दिए ।
हाल देशभर १९ हजार १९ सक्रिय कोरोना संक्रमित रहेको स्वास्थ्य तथा जनसंख्या मन्त्रालयका प्रवक्ता डा. गौतमले जानकारी दिए ।
हाल देशभर होम आइसोलेसनमा १० हजार ६ सय ९८ जना रहेको उनले जानकारी दिए ।
अहिलेसम्म नाै लाख ८८ हजार तीन सय २७ जनामा कोरोना परीक्षण गरिएको उनले जानकारी दिए ।
अहिले ६ हजार दुई सय ८१ जना क्वारेन्टिनमा बसिरहेको मन्त्रालयले जानकारी दिएको छ ।
अहिले भेन्टिलेटरमा देशभर ३३ जना उपचाररत रहेको उनले बताए ।
