नेपाली कांग्रेसका सभापति शेरबहादुर देउवा कोरोना भाइरसको कन्ट्रयाक्ट ट्रेसिङमा परेका छन् ।
आफ्नो निजी सचिवालयमा कार्यरत एकजनामा कोरोना पाेजेटिभ देखिएपछि देउवा होम आइसोलेसनमा बस्न थालेका हुन् ।
सचिवालयमा कार्यरत अन्य चारजनाको पिसिआर परीक्षण भने नेगेटिभ आएको उनको सचिवालयले जनाएको छ ।
सभापति देउवाको शुक्रबार स्वाब संकलन गरिने उनका सहयोगी भानु देउवाले जानकारी दिए ।
देउवा होम आइसोलेसनमा बसेकाले बिहीबार तय भएको सत्तारुढ पक्ष र प्रतिपक्षीबीचको छलफल स्थगित भएको छ ।
देउवाको कोरोना परीक्षणको नतिजा आएपछि मात्र बैठक अघि बढ्ने भानु देउवाले जानकारी दिए ।
