उपचारका क्रममा निधन भएकी मोरङको बेलबारी नगरपालिकाकी ६८ वर्षीया महिलामा कोरोना पुष्टि भएको छ ।
नोबेल मेडिकल कलेजमा पित्तथैलीको अप्रेसनपछि निधन भएकी महिलामा कोरोना पुष्टि भएको हो ।
नोबेल मेडिकल कलेजमै उनको पिसिआर गरिएको बेलबारी नगरपालिका स्वास्थ्य शाखाका कर्मचारी सन्तोष विश्वकर्माले बताए । उनमा निधन भइसकेपछि कोरोना पुष्टि भएको विश्वकर्माले जानकारी दिए ।
उनका अनुसार योसँगै बेलबारीमा कोरोना संक्रमणबाट निधन हुनेको संख्या दुई पुगेको छ । यसअघि बेलबारीकी एक महिलाको बिपी कोइराला स्वास्थ्य विज्ञान प्रतिष्ठान घोपाको कोभिड अस्पतालमा निधन भएको थियो ।
