नेपालको कसिलो बलिङमा युएई १२१ रनमा समेटियो

आइतबार, ६ मंसिर, २०८३
डिजिटल संस्करण

काठमाडौं । एसिया कप राइजिङ स्टार्सअन्तर्गत आइतबारको खेलमा नेपालले जितका लागि १२२ रनको लक्ष्य पाएको छ। नेपालले कसिलो बलिङ गरेपछि ३९.५ ओभरमा अलआउट भएको युएई १२१ रनमा समेटिएको हो।

दोहामा टस हारेर पहिले ब्याटिङ गरेको युएईका लागि मोहम्मद साहदादले सर्वाधिक ४० रनको योगदान गरे। ७० बल सामना गरेका उनी कुशल भुर्तेलको बलिङमा नन्दन यादवबाट क्याच आउट भए।

यसैगरी, हरप्रित सिंहले ४८ बलमा ३२ तथा नरुल्लाह अयोयबीले २४ बलमा १२ रन जोड्नुबाहेक अन्य खेलाडीले दोहोरो अंकमा रन बटुल्न सकेनन्।

नेपालका लागि कप्तान सन्दीप लामिछाने र कुशल भुर्तेलले समान तीन विकेट लिए। १० ओभर बलिङ गरेका सन्दीपले तीन मेडन राख्दै ११ रन मात्र खर्चिए। भुर्तेलले दुई मेडनसहित पाँच ओभरमा १५ रन दिए।

यसैगरी, नन्दन यादव, रसिद खान र ललित राजवंशीले समान एक विकेट हात पारे। ललितले पनि एक मेडन गराए।

सुझावित समाचार