काठमाडौंको छाउनीनिवासी मंगला अमात्यले भोटेकोशी र त्रिशूलीमा आएको विनाशकारी बाढीबाट प्रभावितहरूको सहयोगका लागि प्रधानमन्त्री दैवीप्रकोप उद्धार कोषमा एक करोड आठ लाख रुपैयाँ सहयोग गरेकी छिन्।
अमात्यका प्रतिनिधि अरुण श्रेष्ठले अर्थमन्त्री स्वर्णिम वाग्लेलाई भेटेर एक करोड आठ लाखको चेक हस्तान्तरण गरेका हुन्। भदौ १० गते अकस्मात् आएको भीषण बाढीमा परेर हजारौँ मानिस बेपत्ता भएका छन् भने सयौँ शव फेला परिरहेका छन्।
बाढीका कारण रसुवा, नुवाकोट र धादिङलगायतका जिल्लामा ठुलो क्षति पुगेको छ। बाढीकै कारण हजारौँ मानिस घरबारविहीन भएका छन्।
