चितवन–देवघाट बाढी मापन केन्द्रमा हाल पानीको सतह ४.७६ मिटर पुगेको छ। बाढीको बहाब करिब दिउँसो ३:३० बजे देवघाटमा आइपुग्ने अनुमान गरिएको छ।
प्रारम्भिक आकलनअनुसार देवघाटमा पानीको सतह करिब तीन मिटरले बढ्न सक्ने देखिएको छ। यससँगै पानीको सतह करिब आठ मिटर पुग्न सक्ने र यो दुईदेखि तीन वर्ष पुनरावृत्ति अवधिको बाढी हुन सक्ने अनुमान गरिएको छ।
हालको आकलनअनुसार चितवन र नवलपरासीका क्षेत्रमा ठुलो डुबानको सम्भावना कम रहेको बताइएको छ। यद्यपि, नदीको बहाब र पानीको सतहमा परिवर्तन हुन सक्ने भएकाले उच्च सतर्कता अपनाउन आग्रह गरिएको छ।
अर्को सूचना जारी नभएसम्म नदीछेउछाउका बस्ती तथा बजारका बासिन्दालाई सुरक्षित र अग्लो स्थानमा रहन तथा आवश्यक सावधानी अपनाउन अनुरोध गरिएको छ।
See More On
