राष्ट्रिय स्वतन्त्र पार्टी (रास्वपा)को प्रथम महाधिवेशनबाट निर्वाचित नयाँ केन्द्रीय पदाधिकारी तथा सदस्यहरूले शपथग्रहण गरेका छन्।
वनस्थलीस्थित पार्टीको केन्द्रीय कार्यालयमा आयोजित कार्यक्रममा पार्टी सभापति रवि लामिछानेले नवनिर्वाचित पदाधिकारी र केन्द्रीय सदस्यलाई शपथ गराएका हुन्।
रास्वपाको प्रथम महाधिवेशन असार ७ देखि १२ गतेसम्म चितवनको भरतपुरमा भएको थियो। महाधिवेशनबाट ६ जना पदाधिकारी र ९९ जना केन्द्रीय सदस्य निर्वाचित भएका छन्। सभापतिमा रवि लामिछाने निर्विरोध निर्वाचित भएका थिए।
शपथग्रहणपछि सभापति लामिछानेले नवनिर्वाचित पदाधिकारी तथा सदस्यलाई घन्टीजडित मायाको चिनो र प्रमाणपत्र प्रदान गरेका छन्।
See More On
