कविता:बुझे गुनासो, नबुझे हाँसो

मेरो नाम धनबहादुर लामा 
मलाई चिन्नेजतिले धनबहादुर भनेर चिन्छ 
जोसँग पैसा हुँदैन त्यसलाई नाम धनबहादुर दिइन्छ 
३०–४० वर्ष पहिलादेखि फिल्मलाइनमै हिँड्छ

विदेशमा हो भने किचन र कुक
यहाँ भने भान्से र भान्सा 
हुन त मिठो पाके पनि खान्छ 
नमिठो पाके पनि खान्छ 
ठुलाबडाका नाम भने मिडियामा जान्छ 
हामीलाई भने न मान छ, न सम्मान छ 
फिलिममा काम गरेर न ‘पिल्सिङ’ नै हुन्छ 
न घर धान्छ सम्बन्ध टाढिन्छ 
घर भाँडिन्छ 
कतिको त बुढी पोइला नै जान्छ 
खास भन्नुपर्दा 
धुवाँधुलो जुठो भाँडा हाम्रो पनि ठुलो योगदान छ 
बुझे गुनासो 
नबुझे हाँसो 
हेरौँ कत्तिको राख्दो रैछ चासो ।

(सर्लाही इश्वरपुर न.पा. ७ का ६५ वर्षीय लामा ४० वर्षदेखि नेपाली सिनेमामा भान्सेको रूपमा कार्यरत छन् ।)