सिएफ मोटो नेपालले देशका विभिन्न प्रमुख सहरहरूमा आफ्ना जेन्युइन स्पेयर पार्टस् किफायती तथा ग्राहकमैत्री मूल्यमा उपलब्ध गराएको घोषणा गरेको छ । ग्राहक सन्तुष्टि र आफ्टर–सेल्स सेवालाई अझ प्रभावकारी बनाउने उद्देश्यसहित कम्पनीले यो घोषणा गरेको हो । यस पहलले देशभरका सिएफ मोटो प्रयोगकर्तालाई सहज पहुँच, भरपर्दो सेवा र किफायती मर्मत सुविधा उपलब्ध गराउने कम्पनीले बताएको छ ।
सिएफले नेपालको प्रिमियम मोटरसाइकल सेग्मेन्टमा आफ्नो उपस्थिति विस्तार गरिरहेको जनाएको छ । काठमाडौं उपत्यकाभित्र तथा बाहिर दुवै क्षेत्रमा स्पेयर पार्टस्को सहज उपलब्धता सुनिश्चित गर्दै आफ्नो सेवा सञ्जाललाई थप सुदृढ बनाइरहेको दाबी गरिएको छ । कम्पनीले स्पेयर पार्टस्को मूल्यलाई ग्राहकमैत्री बनाउनुका साथै आफ्ना प्राविधिक जनशक्तिको क्षमता अभिवृद्धिका लागि सञ्चालन गरिएका विभिन्न तहका तालिम कार्यक्रममा सक्रिय सहभागिता जनाउँदै आएको पनि बताइएको छ ।
कम्पनीका अनुसार ग्राहकले उपत्यकाभित्र कालोपुल, बुद्धनगर, सल्लाघारीस्थित आधिकारिक केन्द्रमा जेज्युइन स्पेयर पार्टस् उपलब्ध हुनेछन् । त्यस्तै, उपत्यकाबाहिर बिर्तामोड, इटहरी, हेटौँडा, चितवन, बुटवल, पोखरा, नेपालगन्जमा पनि स्पेयर पार्टस् उपलब्ध हुने कम्पनीको भनाइ छ ।
देशभर स्पेयर पार्टस्को उपलब्धता विस्तार गरेसँगै कम्पनीले ग्राहकको समय बचत गर्ने र मर्मत सेवा अझ सहज बनाउने लक्ष्य राखेको छ ।
