हवाई इन्धनको भाउ प्रतिलिटर १२४ रुपैयाँ वृद्धि, अन्यको यथावत

आयल निगम लिमिटेडले मंगलबार रातिबाट लागू हुने गरी आन्तरिक विमानले प्रयोग गर्ने हवाई इन्धनको भाउ प्रतिलिटर १ सय २४ रुपैयाँ बढाएको छ।

त्यस्तै, अन्तर्राष्ट्रिय विमानले प्रयोग गर्ने भाउ प्रतिकिलोलिटर ८ सय १९ डलरले वृद्धि गरेको छ । मुल्यवृद्धि पछि आन्तरिक हवाई इन्धनको भाउ प्रतिलिटर २ सय ५१ प्रतिलिटर पुगेको छ । त्रिभुवन विमानस्थलमा इन्धन भर्ने अन्तर्राष्ट्रिय विमानका लागि भने प्रतिकिलोलिटर १७ सय ८५ डलर पुगेको छ । पेट्रोल, डिजेल, मट्टीतेल र ग्यासको भाउ भने यथावत राखिएको छ ।