सुदन गुरुङले प्रतिनिधिसभा निर्वाचनमा भएको खर्च विवरण निर्वाचन आयोगसमक्ष पेस गरेका छन्। प्रस्तुत विवरणअनुसार उनले कुल २१ लाख ८६ हजार रुपैयाँ खर्च भएको उल्लेख गरेका छन्।
उक्त विवरणमा प्रचार–प्रसारसम्बन्धी शीर्षकमा सबैभन्दा ठुलो रकम खर्च भएको देखिएको छ। सो शीर्षकअन्तर्गत मात्रै पाँच लाख ५२ हजार ५७५ रुपैयाँ खर्च भएको जनाइएको छ।
गोरखा १ निर्वाचन क्षेत्रमा भएको प्रतिस्पर्धामा उनले प्रेम खत्रीलाई पराजित गर्दै फागुन २१ गते सम्पन्न प्रतिनिधिसभा निर्वाचनमा विजय हासिल गरेका थिए।
निर्वाचनपश्चात् उनले सांसदका रूपमा प्राप्त हुने पारिश्रमिक तथा सुविधा नलिने सार्वजनिक घोषणा पनि गरेका छन्।
