आइतबार नेप्से परिसूचक सामान्य अंकले बढेको छ। नेप्से ४.४५ अंकले बढेर दुई हजार ८२४.९० विन्दुमा कायम भएको हो।
आज ३५० कम्पनीको तीन करोड ९५ लाख ४९ हजार कित्ता सेयर १४ अर्ब ३२ करोड ९६ लाख रुपैयाँमा खरिद–बिक्री भएको छ। अघिल्लो दिन पनि करिब १४ अर्बको सेयर कारोबार भएको थियो।
नेप्सेका १३ समूहमध्ये चार समूह एक प्रतिशतभन्दा कमले ओरालो लाग्दा नौ समूहको सूचक उकालो लागेको छ। व्यापार समूह सबैभन्दा धेरै (२.८३ प्रतिशत)ले वृद्धि हुँदा बाँकी समूहको वृद्धिदर एक प्रतिशतभन्दा कम छ।
आज सोलु हाइड्रोको सेयर मूल्यमा सकारात्मक सर्किट लाग्दा दरमखोला हाइड्रोको सेयर मूल्यमा नकारात्मक सर्किट लागेको छ। सालपा विकास बैंक, होटेल फरेस्ट इन र ग्रिन लाइफ हाइड्रोको सेयर मूल्य नौ प्रतिशतभन्दा धेरैले बढेको छ।
