हर्क साम्पाङ नेतृत्वको श्रम संस्कृति पार्टीले समानुपातिकतर्फ तीन लाख मत कटाएको छ। ८६ लाख ५३ हजार ३१८ मत गणना हुँदा उसले तीन लाख चार हजार ५७९ मत पाएको छ। जुन ३ प्रतिशतभन्दा धेरै हो।
पछिल्लो समय उसले समानुपातिक मतमा आफ्नो प्रतिशत बढाइरहेको छ। जसकारण श्रम संस्कृति राष्ट्रिय दल बन्ने निश्चित भएको छ। राष्ट्रिय दल बन्न समानुपातिकतर्फ तीन प्रतिशत मत कटाउनुपर्ने हुन्छ । सो दलले प्रत्यक्षतर्फ तीन सिटमा जित हात पारेको छ। अहिलेकै मतकोे प्रतिशतका आधारमा उसले समानुपातिकमा चार सिट पाउने देखिएको छ।
यसपटक ६ वटा दल राष्ट्रिय पार्टी हुने भएका छन्।
रास्वपा, कांग्रेस, एमाले, नेकपा, श्रम संस्कृति र राप्रपा राष्ट्रिय दल हुनेछन्।
See More On
