भक्तपुर जिल्लाको सूर्यविनायक नगरपालिका– ८, भुम्डोलबाट इन्सास राइफलसहित फागुन १९ गते सशस्त्र प्रहरी बलले एकजनालाई नियन्त्रणमा लिएको छ।
सशस्त्र प्रहरी बल नेपाल इन्टेलिजेन्स ब्युरोको विशेष टोलीले गोरखा जिल्ला पालुङटार नगरपालिका– ९ घर भई हाल भक्तपुरको भुम्डोल बस्ने ३१ वर्षीय आयन सेढाईंको कोठाबाट राइफलसहित एसएलआरको गोली चारवटा, प्लास्टिक राउन्ड दुईवटा, सर्टगनमा लाग्ने राउन्ड एउटा, खुकुरी एक थान तथा सोको दाप दुई थान, बन्चरो एक र सिरिन्ज पाँचवटासहित नियन्त्रणमा लिएको हो ।
उनलाई आवश्यक कारबाहीका लागि सम्बन्धित निकायमा बुझाइएको प्रवक्ता तथा सशस्त्र प्रहरी नायब महानिरीक्षक विष्णुप्रसाद भट्टले जानकारी दिए । उक्त राइफल तथा हतियारमा लाग्ने गोली गत भदाै २३–२४ को आन्दोलनमा लुटिएको आशंका गरिएको छ ।
See More On
